Thursday, 25 April 2013

  • 包容這個世界?



    依幾日周不時會諗

    點解個世界要有苦難?
    因為事情一定係相對?唔可以只有甜頭咁jetso?
    如果苦係為左突顯甜既美好,咁果d唔會苦後回甘、無意義既苦點計?
    什麼受苦後能上天堂、佛家的因果法則...似乎都唔能夠令我信服
     
    如果話依個宇宙有個神主宰一切,我不會否定
    但係我覺得佢一定唔係完美
    或者佢都好無奈和不忍,因為自身能力有限
    但係佢應該係善良的
     
    如果話依個宇宙本身就係一切,我會信
    可惜佢都唔係完美
    但佢係傾向於美善
    或者如道家所講無善惡之分
     
    我諗,世界即使唔完美
    佢都唔係虐待狂,唔係有意作惡的
    至於人性
    看看幾千年來的人類文明發展
    我相信人性係逐漸向善的
     
    既然係咁,我諗通左D
    或者人唔洗迫自己去接受或正面地看待世上的苦難
    都唔洗因為苦難而遷怒於某神/宇宙
    或者人應該體諒、包容世界的不完美?
    多欣賞和感恩佢既美好之處?
    我諗起李天命既神秘樂觀
    佢話係經歷理性階段後
    回到一種對宇宙冇原因既信任
    相信宇宙終極圓滿
    佢用嬰孩的感覺黎比喻
    其實我唔明歷經萬難後卻又不失初生心境
    會係咩境界,同點樣做到
    亦都好懷疑佢本人做唔做到
    不過由於我係佢信徒,所以我信佢得
     
    如果要信宇宙係終極圓滿
    我諗我唔得
    不過如果要信宇宙係向善,人性係向善
    我諗我OK

    Photo URL

Tags

Who recommended?